事隔年半，令到我再番来呢度，居然係因为一个痛苦嘅原因。。。然而今次，会唔会再好似上次咁，有一个美好嘅结局，我唔知，都已经唔敢再奢望。因为真系好害怕失望，害怕痛心。睇番之前记录嘅一切，相比起而家，感觉自己其实已经成熟咗好多，但系咁并帮唔到我D咩。结果，同样係十分痛心，十分不舍。甚至多咗几分绝望～～
已经一个星期啦。事到如今，都唔知应该再讲咩，只係知道自己成个心都已经空晒，无晒思想，唯一林到嘅就系一D同佢之前嘅破碎嘅回忆～无论之前经历嘅係开心定系唔开心，回忆始终都係最美好嘎，好怀念同佢之前嘅一切，不过或者已经于事无补～但系自己偏偏会好天真咁林，唔知佢会唔会同我一样，咁依恋过去。
但系而家，係佢口中只係觉得，我地一齐，已经只剩低责任同感情，2个人已经唔再适合～真系咁咩，难道，就真系只得责任？我地经历过嘅一切就只係变到只有咁？或者佢会觉得我思想太天真，或者我做嘅事真系太愚蠢，甚至太不可理喻，唔可以原谅，但系我始终都係爱佢，深深咁爱佢。其实我做所有野个出发点都係佢，可能就系因为我太盲目啦，太依赖啦。令到佢觉得好辛苦，係我唔好～～～
但系我而家已经醒悟啦，我开始明白你，开始懂得独立。我已经学识咗点先可以同你好好相处，真嘎。但系可惜，我唔知我仲有无机会可以再尝试，因为我感觉到，今次你真系好坚决～係米我真系应该接受现实？我再都无野值得你留恋？
原来爱情真系咁伤嘎，呢短日子对于我来讲，根本就无日夜可分，因为对于我来讲，已经无意义。以前，你一直住係我心入面，而家已经空晒。以为同朋友倾计分散注意力，其实就全部都係假嘅，点都帮唔上，拼命逼自己唔好林，但系反而时间更难过～～～
每晚一个人同每朝一醒係最痛苦嘎，一定会林起你。林起你再都唔会係我身边，真系好难受。每日都以泪洗面，但系又咩都唔可以做。身边太多事物都充满你嘅影子，好想将佢地收埋，但系无办法收埋，因为真系太多，太多啦。都无可能收得埋，因为我根本就唔舍得，而且印象太深刻啦。精神已经越来越差，已经不似人形，周围嘅人见到都好心痛，但系无用嘎，我最在乎果个，已经唔会再为我心痛。
曾经好想咩都唔理去搵佢，但系我又惊，我做唔到，我太了解佢，我唔想逼佢，唔想佢觉得我烦，惊我。但系我又真系好挂住佢。我想俾佢知，我真系好挂住佢，好想好想见到佢。其实我觉得，责任真系唔重要。2个人一齐真系唔系只得责任嘎，係你林得偏激咗啦。
～～～～～我再林咁多都无用，无后悔药可以吃，或者鱼蛋讲得岩，我真系爱佢，就唔应该再在乎佢係唔係我身边，只要佢过得开心就好。只要佢好，我就好～～！！！其实，一直都係，做所有野我都係为佢好。只係之前我用错咗方法，反而令到佢感受到压力。。。。。。而家我可以做嘅就只有每天祈求佢过得开心，满足就够。我真系明啦
爱，并唔系要求有回报，有回报就唔会係爱。。。。

五惊五觉，同他一起到今日已经两年啦！！！！呢两年真系经历过好多好多！！！！有开心，有五开心！我地都分开过两次！但最后都系走翻埋一起！！虽然我五知我地既将来会系点，不过我真系好希望可以一直同他一起落去啊！我好希望，我同他会五只呢短短既2年，希望系有更多个2年~~~~一直落去！
不过五知他系米都系感林呢！！！！！！

呢两日我已经唔记得左做好多野,阴功,老囖!!!!
寻晚,我翻学就唔记得带锁匙,搞到要麻烦隔离屋既姐姐帮我开门,冲凉又唔记得拿毛巾!真系无奈啊>都唔知自己系度做紧咩,硬系要唔记得D野既!我 爸爸话我,迟D连个头都唔记得带嘎啦!唉~~~
今日呢,又俾人发现我寻日复印公司 通告既时候漏左份系复印机度!!!!!!点解我会咁嘎?????
惨啦,原来林住我部手机仲有刚好26蚊,够扣下个月既电话费,点知寻晚一个好耐无联络既小学同学发短俾带我,无奶油咁衰为左果D钱唔复人嘎嘛,所以~~~无计啦,唯有听日即刻去买卡充值啦!!!!唔好唔记得就得啦!

呢 个星期六日真算系收获丰富囖!呢,我之前米讲过话想怂恿我妈买部新手机既,古唔到他就星期六果日下午真系买左俾我啊,哈哈,不过当然,我都要出翻500蚊啦,不过计落都算唔错囖,咁就有部新手机!(索爱K300C)抵啦!
买完手机之后,他(大家都应该知边个啦)个婆婆整好今日生日,他地一家人今晚出去吃饭,居然话叫埋我去,喔!真系有D受宠若惊啊!我不断系度犹豫紧去唔去好!因为毕竟系他婆婆生日,人地好地地一家人吃饭庆祝,我一个唔知算系乜既外人又去,好似怪怪地,不过人地叫到,唔去又好似有D唔好喔.后来问过妈妈既意见,他都同意我去喔,咁就系咁,我果日下午一买完手机就赶左去他屋企啦.之后夜晚就去左吃饭!仲要麻烦人地叔叔车我到大新路口添,真有D唔好意思啦!

到左星期日,我就约左我表姐去淘金果边剪发,想话换个新LOOK!系个发型师既极力怂恿下,我居然走左去电一个几爆炸下既发型,比较蓬松,系我少有既大胆尝试啊!讲真,好唔好睇就各花入各眼啦,不过我自我感觉都算接受到既,不过就好唔惯囖,好似唔知点咁!其实我最在乎一个人既意见,不过果个人就有排都无机会见到我而家个样,因为他唔得闲!他要翻学啊!
不过点都好啦,都叫做话有D新鲜感!换下个LOOK,个人都无咁闷啊!新形象,新开始@哈哈

唉~~~!!!每个月总有果几日特别烦恼!米误会,我系唔想写工作报告姐!其实真系好烦嘎,你知啦,做前台文员,日日都系做果D野,无非都系接下电话,边有咁多工作要报告啊!次次都系果两督屁,又唔可以咁衰,次次都COPY,搞到各个月为左度掂篇咁嘅"嘅"野都几烦嘎
今日放工,同妈妈去买手机喔!本来她果部咁嘅老野机,一早就应该换啦!今次终于都坏左啦!本来林住怂恿她,买部靓D嘅机,之后我出1/3嘅钱,我就俾我而家部机她用,我用部新机,咁我米好着数囖!哈哈.一 开始她都肯嘎,不过她后来越林越唔抵,话要她出咁多钱就用旧机,我就有新机用,唔抵得哦!又要我即时俾500蚊现金她,大佬,我 今个月未出粮嘎,边有咁多现金俾她哦,跟住就系咁,我个计划,应该无行啦!不过 算啦,我唔介意!因为 唔知点解,其实我觉得我而家对于手机呢样野都唔算话十分渴求!她唔肯米算囖,费事求她!哈哈~~~!!!再加上如果我真系俾左500蚊她,我 呢几个月点挨啊?呢排好多地方都要用钱啊!我唔够钱用啊都
又要剪发啦,买鞋啦,下个月他妈妈又生日哦(应承要同 他一起整个蛋糕俾他妈妈),我羊城通通 手机都未充值喔,哇,条数几好计啊!都 系米啦!
所以话呢,做人要知足D好!知足常乐啊!!!!!